2011 hebbt wi speelt: "Huusbesöök" vun Wolfgang Binder.  

Wat doon, wenn man na een feucht-fröhlichen Herrenavend an neesten Morn örndlich verkatert to een Tied upwaakt, to de man eegentlich all in‘t Büro har sitten schullt? Carsten Fricke heet dor siene ganz eegene Methode. He vertüddelt sien Fründ Oliver Thomsen in een Netz üt Notlögen, ut de dat jichenseens keen Utneihn mehr givt. Denn nich nur Olivers Chef steiht plötzlich vor de Huusdör, sünnern ook etliche andere Besöker. Wer vun de sind denn nu eegentlich de Öllern vun den Huusherrn? Wer vun de is de ewig meckernde Naversch? Wessen Modder is denn nu schwerhörig? Ook Olivers Fru is nich för jedeen ohne wiederes totoordnen, ganz to schwiegen vun een hochschwangere Fründin, de in all den Trubel een gesunden Jung to Welt bringt. So schient allns wedder in‘t rechte Lot to kamen. Schient…

	Twee verkaterte Frünn
	De Chef bringt all'ns   döreenanner
	Modder Mienewski  versteiht jümmers  Bahnhoff
	Modder Thomsen  mischt sick in
	Ulrike kümmt just in'n  falschen Momang
	De Naaversch is in  Raasch
	Endlich is dat Baby dor