2018 hebbt wi speelt:

"Frien oder glücklich sien"

vun Hans Schimmel, in’t plattdütsche översett vun Wolfgang Binder

Berni is bi siene Scheedung vun siene Ex düchtig utnahmen worrn. Dorüm will he annere Männer dorvör bewohrn to frien un hett dorto dat Eheverhinderungsinstitut "Bleibe alleine, aber glücklich" gründet. Dör helpt he alle eheunwilligen Kunden, nich ünner dat Joch vun de Ehe to kamen.

In dat glieke Huus hett ook Sigrid Rapp ehr Geschäft, dat Eheanbahnungsinstitut "Gib der Braut eine Chance". Ehr gröötstes Glück is dat, wenn se annere Fruen to'n Inloop in den Hafen der Ehe verhelpen kann.

Dat de beiden nu nich recht miteenanner künnt, liegt op de Hand. Beide hebbt so eenige Kunden, de allerhöchsten Insatz fordert. För tosätzliche Opregung sorgt noch de Finanzprüfersch Marianne Wittstock, de beide op den Kieker hett. Un de Reinmaakfru Martha Wiesner, de bi beide sauber maakt, is ook keen würkliche Help.

So beleevt wi denn ook eenige Desaster un een överraschendes End.